NRC-ah Indian dik tak hmaih an ni lo ang : Irani

Union minister Smriti Irani chuan West Bengal chief minister Mamata Banerjee-i'n National Register of Citizens (NRC) a duh loh thu a sawi chu chhangin, BJP kaihhruai sorkar laipui chuan India khua leh tui dik takte venhim chu a tum ber a ni a, NRC-ah hian Indian dik tak hmaih an ni lo ang, a ti. 

Irani chuan dan kalha India rama rawn lutte chungthu chu dan ang takin ngaihtuah sak zel an ni dawn tih a sawi nghal bawk. Banerjee-i'n NRC a dodal tlat chu sawiselin, dan loa lutte chungchanga a ngaihdan a tilang a ni, tiin a sawi zui bawk. Bengal CM-in sorkar laipui policy a dodal zel chu mipuite pawhin an hrethiam tawh tih a sawi.

Sorkar laipuiin hma­sawnna policy a siamte Bengal CM hian a dodal zel avangin an state mipuite pawhin ham-

ṭhatna an dawng thei lo, industry din turte pawh West Bengal sorkar chuan a dang zel a ni, tiin Irani chuan a sawi. Lok Sabha inthlanpui neih zawh tak result aṭang khan West Bengal mipuite chuan inthlak danglam an duh tawh tih chiang takin a lang a ni, a ti bawk.



Share this Post

Login to comment
No Comments