Myanmar tuilianin in 4,000 a chim tawh

Myanmar ram chhim lam chuan ruahsur nasa vangin tuilian an tuar mek a, tuilian hian chenna in 4.000 vel zet a chim tawh. 

Kar kal ta kartawp khan Myanmar chhimchhak lam, Mon state-ah ruahsur nasa vangin lei a tawlh a, lei tawlha thi zat hi mi 56 an tling tawh a ni. Hemi hnu hian tui a lian zui a, mi tam tak chu hmun him lamah an insaseng a ngai a ni. 

Mon, Karen leh Kachin state-ahte chuan tuilianin kawng a chim nasa hle a, lei eng emaw zat a chim bawk. Lawng hmangin mi tam tak chu thiarchhuah an ni. Tuilianin an chenna in a chim, mi 25,000 vel chu monastery leh pagoda-ahte an khawsa a ni. 

UN Office for the Coordination of Humanitarin Affairs chuan tunhnaiah tuilian vangin mi 89,000 velin an in leh lo an chhuahsan tawh tih a sawi.



Share this Post

Login to comment
No Comments