Russia-in nuclear expert mi 5 award pe dawn

Russia chuan nuclear expert mi panga, missile test-naa thite chu chawi­mawina a hlan dawn.

Nuclear expert mi pangate hian Arkhangelsk region-a missile test an neihnaah tihsual palh vang­in missile hi a puak a, hetah hian an thi nghal a ni.

Nuclear center-a an hotupa Valentin Kostyu­kov chuan nuclear expert pangate hi Sarov hmuna Russian Federal Nuclear Center (RFNC) a thawk lai vek an nih thu sawiin, missile test-tute hi an ram pasalṭha an nih thu a sawi.

Kar kal ta Ningani khan White sea hmunah missile test neih a ni a, rocket fuel kang vangin he chhiatna hi a tleng a ni. Defence Ministry chuan radiation hlauhawm a awm lo thu an sawi a, Severodvinsk hmuna tualchhung thuneitute chuan radiation hi a hlimchhawn chuan nasa vak lo a awm thu an sawi ve thung. 



Share this Post

Login to comment
No Comments