Singapore-in saingho hralh khap dawn

Singapore chuan kum 2021 aṭangin saingho leh saingho aṭanga thil siamte an ram chhunga hralh a khap dawn. 

Sorkar hian hemi chungchang hi kum hnih chhung chu NGO, ivory retailer leh mipuite a rawnkual hnuah, nimin World Elephant Day khan thuchhuah hi a siam ta a ni. 

Singapore-ah hian saigho hi man a ni fo a, ṭum khatah an man hnem ber chu thla hmasaa ton 9 zet an man kha a ni. Heng saigho an mante hi Africa sai 300 vel aṭanga lak nia hriat a ni a, a man hi dollar maktaduai 12.9 a tling. Heng saingho an mante hi Congo ram aṭanga lak a ni a, Singapore kaltlangin Vietnam ramah phurh tum a ni. 

Kum 1990 aṭang khan Singa­pore-ah hian saingho kaihhnawih international trade kalpui khap a ni tawh. Mahse sumdawngte chuan 1990 hma lama lakluh an ni tih fin­fiahna an neih erawh chuan ram chhunga zawrh phalsak an ni thung.



Share this Post

Login to comment
No Comments