Myanmar-ah ruahsur vangin lei a tawlh

Ruahsur nasa vangin Myanmar khawchhak lam, Mon state-a Te Pyar Kone khuaah kar kal ta Zirtawpni khan lei a tawlh a, mi 41-in nunna an chan. Mi 80 chuang an awmna chin hriat a la ni lo, thi pawh hi an la pun chhoh rin a ni bawk.

Ruang zawngtu leh mi tlawmngaite'n ngawrh takin he chhiat tawhnaa thite leh bote zawn hna hi Zirtawpni zan aṭang khan an thawk. He chhiatna hian in 27 chuang a ti chhe bawk a ni.

Fur ruahtuiin kumtinin Myanmar-ah hian harsatna a thlen ziah a, tuilian leh lei tawlh vang hian mi sang chuangin an in leh lo an chhuahsan a ngai fo ṭhin.   

United Nations Office for the Coordination of Humanitarian Affairs tarlan danin, kar liam ta khan Mon state-ah hian mi 7,000 chuangin an in leh lo an chhuahsan tih an tarlang.

Mon state-a Paung khuaah pawh in leh school-te lei tawlhin a la bo a, kawngte pawh pingin khaw ṭhenkhatte pawh tui hian a chim hial a ni.

Kar hmasa chhung ringawt khan mi 12,000 dawnin an in leh lo an chhuahsan a, evacuation centre hmunah mi 38,000 an thiar chhuah tawh thu UN chuan a tarlang.



Share this Post

Login to comment
No Comments