China-in US nena an inzawmna tihchah tum

China chuan US-in Taiwan hnena ralthuam hralh a tum mek chu a duh lo hle a, US nena an inzawmna tihchah a tum hial tih a sawi.

Chinese foreign ministry chuan hemi chungchangah hian thuchhuah siamin; China sorkar leh China company-te chuan sumdawnna hmanga inlaichinna an neih zawng zawngte chu, US firm in Taiwan hnena ralthuam hralh a tum chu a tihlawhtling a nih chuan, an tichat vek dawn tih a puang.

China leh US inlaichinna hi a ṭha lo sa hle tawh a, Taiwan chungchang hian a vuakchhiat belh hle rin a ni sa bawk.

Hetihlai hian kar hmasa khan Pentagon chuan US State Department-in Taiwan-in ralthuam lei a dilte chu a pawmpui tawh thu an lo sawi tawh.  Taiwan hian US hnen 

aṭang hian 108 General Dynamics Corp M1A2T Abrams tank leh 250 Stinger missile-te chu leisak a tum a, heng ralthuamte hi Raytheon siamte an ni.

Chinese foreign ministry thupuangtu Geng Shuang chuan ralthuam zawrh chu international law palzutna, China thuneihna leh a national security tih hmelhemna a ni, a ti. Hemi avang hian China sorkar leh company-te chuan an pawm dawn lo tih sawiin, US company-te nena insumdawn tawnna pawh an kalpui tawh dawn lo tih a sawi bawk.

Taiwan hi China chuan a ramchhungah a chhiar tel a, vawi eng emaw zat US nena an inlaichinna chungchangah pawh issue pawimawh a nih thu a lo sawi tawh ṭhin. Kar liam taa  US-in Taiwan President Tsai Ing-wen a ram tlawh a phalsak pawh kha a helh hle tawh a ni. 



Share this Post

Login to comment
No Comments