Malaysia parliament-in vote nei thei chin kum tihhniam sawiho

Malaysia parliament chuan nimin aṭang khan vote nei theih chin, kum 21 aṭanga 18-a tihhniam chungchang an sawiho. Vote nei chin kum tihhniam rawtna hi pass a nih chuan an ram danpui thlak danglam chungchanga sorkar leh eptu pawlte an inlungrual ṭum khatna a ni ang. 

Ram danpui siamṭhat tumnaah hian automatic voter registration siam leh, kum 18 tling chin inthlana an in-candidate phalsak rawtna pawh a tel. Heng rawtna pahnihte hi eptu pawlte thehluh a ni.

Malaysia hi vote nei chin kum 21 china bihthliah ram tlemte zingah an tel a, heng zingah hian an ṭhenawm ram Singapore pawh telin, kum 21 chinin vote an thlak thei a ni. 

Hetihlai hian Indo­nesia ramah chuan vote nei chin kum hi kum 17 a ni a, Austria-ah chuan kum 16 a ni thung. 



Share this Post

Login to comment
No Comments