Afghanistan-ah Taliban-ten sipai checkpoint bei


Afghanistan-a Faryab Province khawpui Maymana-ah Thawhlehni khan firfiak pawl, Taliban-ten sipai checkpoint an bei a, sipai panga leh firfiak 11-an thi tih sipai thuneitute chuan an sawi.

Firfiak ralthuam kengte hian sipai chechpoint hi beiin sipaite hian anlo bei let bawk, an inkah chhung hi darkar khat chuang a ni a, inkahna thlen lai hian sipai pali leh firfiak pasarihten hliam an tuar tih sipai thupuangtu, Hanif Rezai chuan a sawi.

Faryab Province hi Kabul 

aṭanga km. 245 a hlaa awm a ni. Afghanistan-ah hian sipaite leh mifirfiakte inkarah hian inbeihna alo thleng fo tawh ṭhin a, April thla khan Taliban-te chuan province 34 zinga 22-ah 'rebel offensive' an kalpui a ni. Sorkar sipaite leh Taliban-te hi nipui leh fur laiin an inbei nasa deuh bik ṭhina, he hun hi 'fighting time of the year' an ti ṭhin.



Share this Post

Login to comment
No Comments