Sri Lanka-in ram 39-te tan 'free visa on arrival' kalpui dawn

Sri Lanka sorkar chuan ram dang miten awlsam zawka an ram an tlawh theihna turin ram 39-te chu a hmaa visa lo dil lawk kher ngai loin an ram an thlena visa an dil chawp a remtihsak dawn. Ram 39 zingah hian India leh China an tel lo thung. 

Tourism Development, Wild­life and Christian Religious Affairs Minister John Amara-tunga chuan May 1 aṭanga visa on arrival programme hmanna tur hi cabinet chuan a lo pawmpui tawh tih a sawi. Mahse Easter Sunday-a an rama firfiakte pawikhawihna thleng vang khan he programme hi tihkhawtlai a ni a, August 1 

aṭangin hman ṭan a ni dawn ta zawk tih a sawi. 

Visa-free programme hi hman ṭan a nih hnuah sorkar chuan mi ṭha loten an ram an lut tur venna turin 'tracking system' thar a hmang zui nghal dawn tih a sawi bawk. 

He programme hi thla ruk atan hman a ni phawt dawn a, a hlawhtling nia an ngaih chuan sorkarin India leh China a telh belh dawn a ni. 

Sri Lanka sorkar chuan kumin chhungin ramdang khualzin maktaduai 2.5 velin an ram an tlawh a beisei a, heng aṭanga an sum lakluh hi US dollar tluklehdingawn nga a tlin a beisei bawk a ni. 



Share this Post

Login to comment
No Comments