World Population Day

World Population Day chu nimin khan khawvel ram hrang hrangah hman a ni. 

United Nations chuan kum 1989 khan kum tinin July 11 hian World Population Day hman ṭhin a nih tur thu a puang. 

World Population Day hman a nihna chhan hi khawvel a mihringte kan pun belh zelna zat inhrilh hriatnan leh kan leilung hausaknate hian tawpchin (limit) a nei tih hriat thar zel theih nana tih a ni. 

Kumin hian seminar, sawi hona te, poem inziah siak leh poster insiam siakten khawvel hmun hrang hrangah he hun hi hman a ni. Kum dang ang lo takin kumin hian World Population Day-ah hian a hranpa a thupui (theme) a awm hran lo. Amaherawh chu September 5–13,1994-a International Conference on Population and Development, Cairo, Egypt-a neih a ramdanga pem, infant mortality (nausen thi), birth control, family planning, hmeichhe tan zirna uar sak leh hmeichhiate nau tihtlak kawng a venhim hna thawh kawnga hma an lo lak tawhnate chu chhunzawm turin kumin hian thupui anga neih a ni. 

Kum 1994 khan Cairo-a neih International Conference on Population and Development, Programme of Action chu ram hrang hrang sorkar 179-in an thlawp a, he conference-ah hian hmeichhiaten fa hrisel tak an neih theih nan a hmalak dan tur chu an sawi uar hle. International Conference on Population and Development kum 1994-a an hmalak tawhnate thawh chhunzawm hi World Population Day 2019 chuan a tum a ni. 



Share this Post

Login to comment
No Comments