Pakistan-a rel insuah mi 14 an thi


Pakistan-a Rahim Yar Khan khuaah nimin khan rel an insu a, mi 14 an thi a, midang 70 chuangin hliam an tuar. 

He thil thlenna hmun hi Rahim Yar Khan khaw chhim lam, Walhar railway station-ah a ni. Police official-te chuan Bahawalpur aṭanga Quetta pana tlan,  khualzin phur rel Akbar Express chuan rel station-a bungraw phur rel lo ding chu a su tih an sawi. Senior police official chuan khualzin phur rel hi kawng dik lo lamah pentir a nih vangin he chetsualna hi a thleng ta tih a sawi bawk. 

Chetsualna thlenga thi leh hliam tuarte hi sorkar damdawi-inah hruai nghal an ni a, hliam tuar ṭhenkhat chu an dinhmun a ṭha vak lo nia sawi a ni.



Share this Post

Login to comment
No Comments