Argentina president hlui Fernando a thi

Argentina president hlui Fernando de la Rua chu lung leh kal ṭha lo vangin Thawhlehni khan a thi a, nimin khan vui a ni. 

Kum 81 mi, Fernando de la Rua hi kum 2016 khan a phing bawk paihsak a ni a, nikum khan heart attack a nei leh bawk. 

De la Rua hi kum 1999-2001 chhung khan Argentina president a ni a, mahse kum 2001 khan a laka lungawi lohna lantir a nih hnuah president a nihna aṭang hian a bang a, President palace aṭangin helicopter hmangin a tlanchhia a ni. 

Argentina president Mauricio Macri chuan a twitter-ah president hlui a ui thu a tarlang a, president hlui tho Cristina Fernandes pawhin a chhungte a tawrhpui thu a sawi bawk. 

President hlui vuina hun hi nimin tlai khan Buenor Aires aṭanga km. 60-a hla, Pilar khuaa  Memorial Park-ah neih a ni.



Share this Post

Login to comment
No Comments