Chinese agent hnena document hralh vangin US diplomat hrem

US Justice Depart­ment chuan US diplo­mat Candace Marie Clairborne chu Chinese intelligence agent-te hnenah US document a hralh vangin thla 40 chhung jail tang turin a hrem a, US dollar 40,000 chawi tura tih a ni bawk. 

Kum 63 mi, Candace Marie Clairborne hi Bei­jing-a Department of State office management office specialist a ni a, kum 2007 aṭang khan China Ministry of State Security a agent-te nen an inbepawp tih Justice Department chuan a sawi. Claiborne hian State Department hnathawh dan chungchanga information leh docu­ment-te chu Chinese agent-te hnenah hian pein, anni hian dollar tam tham tak an pe tih department thuchhuah chuan a tarlang. 

Kum hnih liam ta khan Clairbone hi man a ni a, mahse ram phat­santua puhna thubuai erawh siamsak a ni lo. Mahse kumin April thla khan US sorkar tihchhiat tuma phiarruknaah a tel thu te, investigator-te hmaa dawt a sawi thu leh, sorkar official ni chunga foreign agent nena an inbiakpawh dan a zep thute a sawichhuak a ni. A hremna hi thla 60 atan pawhsei a ni mai thei nia sawi a ni. 

May thla khan CIA offi­cer hlui Kevin Mallo­ry chu China tana enthlak hna thawka puhin kum 20 tang turin hrem a lo ni tawh bawk. 



Share this Post

Login to comment
No Comments