Yemen ramah Cholera natna vei an pun belh

Kumin chhungin Yemen ramah Cholera (tuihri) vei mi 4,60,000 chuang  hmuchhuah a ni a, mi 705 chuan an thihpui tawh bawk tih UN thupuangtu chuan Thawhṭanni khan a sawi. 

UN Secretary-General Antonio Guterres deputy spokesman Farhan Haq chuan Yemen ramah hian kum 2018 khan Cholera vei mi 3,80,000 an awm a, an zinga mi 75 chuan an thihpui tih a sawi. Cho­lera vei zingah hian nau­pang 2,00,000 an tel bawk. 

June thla tira ruah nasa tak a sur vangin tui a lian a, tui lian hian thil tam tak ti chhiain, bawlhhlawh paihna mumal a awm loh vang leh mi rethei zawkten tui thianghlim in tur an neih loh avangin hri leng hi a hluar phah a ni. 

UN leh a thawhpuite chuan Yemen ram­ah hian Cholera veite enkawlna hmun 1,200 an nei a, damlo enkawl hna beihpui an thlak mek a, sum leh pai pawh an mamawh belh zel thu Farhan chuan a sawi. 

Yemen Humanitarian Response Plan chuan humanitarian assistance atan dollar tld. 4.2 an mamawh thu an sawi a, heng zingah hian 32 % chu an hmuh tawh thu an sawi. 



Share this Post

Login to comment
No Comments