Iran chungchangah Trump leh Macron inbia

US president Donald Trump leh French president Emmanuel Macron chu Thawhṭanni khan Iran chungchangah phone hmangin an inbia tih White House chuan thuchhuah an siamah an tarlang.

Trump leh Macron-te hian Iran-in nuclear ralthuam a tihbona tura hmalakna chungchang leh Middle East-a Iran khawsak dan mumal lo tak chungchangte an sawi dun tih a tarlang a ni. Thawhṭannia ram pahnih hruaitute inbiakna hi Iran chungchanga kar khat chhunga an inbiak ṭum hnihna a ni tawh tih tarlan a ni bawk.

Thawhṭanni zing lamah khan Iran khawpui Tehran chuan thuchhuah siamin enriched uranium concentration chu 4.5%-in a tisang tih a tarlang a, hei hian 2015 nuclear deal-a limit an siam 3.67 chu a pel nasa tawh hle a ni.

US secretary of state Mike Pompeo chuan Pathianni khan Iran hi lo vau tawh bawkin, uranium enrichment concen­tration an tihsanna chuan US-in an ram a hrekna chu a belhchhah dawn tih a sawi.

Nikum khan US hian Iran nuclear deal aṭanga a inhnuhdawh thu a lo puang tawh a, kumin May 8 khan Iran pawh hi he nuclear deal aṭang hian a inhnukdawk ve leh bawk a ni. 



Share this Post

Login to comment
No Comments