Yangon-ah China-Myanmar cooperation seminar buatsaih

China-Myanmar Economic Corridor (CMEC) hnuaiah China-Myanmar sustainable development and cooperation seminar chu Thawhṭanni khan Myanmar-a Yangon-ah neih a ni. 

He seminar hi Center for Myanmar Affairs Studies, Myanmar leh Institute of Myanmar Studies leh China Yunna University-ten an buatsaih a ni. Seminar-ah hian topic hrang hrang - Green Energy Technologies and Sustainable Development, Governance: Problems and Challenges, leh Progress of the China-Myanmar Economic Corridor tihte sawiho a ni. Sawihonaah hian Yunnan University aṭangin Chinese scholar panga leh Myanmar scholar 13 an tel. Kum 2018 May thla khan seminar vawi khatna hi neih a lo ni tawh bawk. 

Myanmar sorkar chuan CMEC hnuaiah Kachin state-a Kanpikete, Shan state-a Chinshwehaw leh Muse-ah economic border zone pathum siam a remti tawh a ni. Myanmar leh China insumdawn tawnna hian fiscal year 2019-19-ah US dollar tluklehdingawn 4.3 a tling tawh. Ram pahnihte insumdawn tawnna hi Muse, Lweje, Chinshwehaw, Kanpikete leh Kengtung border gate kaltlanga neih a ni ṭhin.



Share this Post

Login to comment
No Comments