Iraq-ah IS firfiak pathum that


Iraq northern province-a Kirkuk-ah US kaihhruai ṭangrual sipaiten airstrike hmangin Pathianni khan Islamic State (IS) firfiak pathum an that. 

US sipai ten airstrike hmanga an beihna hmun hi IS-ho tawm rukna hmun Kirkuk south lama awm Wadi Zghaytoun a ni a, he hmun hi Iraq khawpui Baghdad aṭanga km. 250-a hlaa awm a ni.

Diyala Province-a Mkheisa khuaa chengte chu IS firfiak hoin silaiin an kap chiam a, civil-mi pathum an thi. He hmun hi Baghdad aṭanga km. 95-a hlaah a awm. 

Baghdad aṭanga km. 135-a hlaa awm Jalawla khaw femah roadside bomb avangin mi pahnihin hliam an tuar bawk.

Diyala hmuna IS firfiakte beih an nih lai hian firfiak ṭhenkhat-te chu hmun him lamah bikrukna zawngin Iran ramri velah an chambang nia sawi a ni. 

Kum 2017 kum tawp lama Iraq security force ten ngawrh taka rampum huap IS firfiak laka beihpui an thlak hnuah, Iraq ram hian security lamah hma a sawn chho hle a ni.



Share this Post

Login to comment
No Comments