Mi maktaduai 4 chuangin Venezuala an chhuahsan tawh: UN

Venezuala-a buaina nasa tak chhuak, retheih­na leh economic buaina thleng avanga an ram chhuahsan chu mi mak­taduai li chuang an tling tawh tih UN agency-te chuan an sawi.

UN agency-te hian 2015 aṭang khan Vene­zuala chhuahsan hi mi maktaduai li an tling tawh tih sawiin, thla sarih kalta chhung ringawt pawh khan mi maktaduai khat chuangin an ram hi an chhuahsan tih an tarlang. 

UN chuan heng mite lo mikhuala chhawmdawlna lo petu, Latin America ramte chuan ramdang ṭan­-puina an mamawh tawh hle tih an sawi. 

Venezuala-ah hian sorkar leh eptute inkara buaina nasa tak a chhuah avangin mihring mamawh - chaw, damdawi leh thil­dangte tlakchhamna a nasa hle. UN refugee agency leh International Organization for Migration (IOM) te'n thuchhuah inṭawm an siamah phei chuan ram pakhat aṭanga ramchhung chhuahsan an tam ber 

ṭum zinga mi a ni tih an sawi hial. 



Share this Post

Login to comment
No Comments