Air New Zealand-in staff-te tattoo neih phal dawn

Air New Zealand chuan tattoo neih khapna dan chu an hlip a, an staff-te chu an hnam tihdan phung leh an mimal danglamnate tihlan theihna turin tattoo neih an phalsak tih an sawi.

Airline chuan September 1 aṭang chuan an hnathawkte chuan pawisawina lam ni lo tattoo an duh chuan an chhu thei tawh dawn tih an sawi a ni.

New Zealand-a Maori mite chuan an hnam tihdan phung leh an chhungkaw thlah kalzel tihlan nan tattoo an chhu ṭhin a, hemi avangte pawh hi a nih theih mi ṭhenkhat chuan an ring. Mi 

ṭhenkhat chuan tattoo neih vanga Air New Zealand-a hna hmu loten thubuai lian tak tak an siam avanga hlip an nih thute pawh an sawi bawk.

Air New Zealand Chief Executive Officer Christopher Luxon chuan an firm-in danglamna lanchhuahtir phalna atan leh an hnathawkte hnam tihdan phung leh an mimal danglamnate tihlan theihna turin tattoo neih chu an phal tih a sawi. Airline chuan thuchhuah an siamah chuan, New Zeland mi kum 30 hnuai lam 35% vel chuan tattoo an nei tih an zirchianna 

aṭangin an hmuchhuak tih an sawi bawk.



Share this Post

Login to comment
No Comments