Sudan-a civil sorkar din tiam

Sudan president aṭanga Omar al-Bashir paihthlak a nih hnua thuneihna chelhtu, Sudan military council chuan eptu pawlte nena inbiakna an neih hunah civil sorkar din ngei a tiam. Hemi rual hian thuneihna inhlan chhawng tur hian kum hnih vel hun a duh maithei niin a sawi. 

Sudan mipui ten hun rei tak president ban phuta nawrh an huaihawt hnuah kar kalta Ningani khan Omar al-Bashir chu paihthlak a ni. Mahse nawrh huaihawtnaa bul tumtu ber, Sudanee Professioanls Assocation (SPA) chuan President a ban ringawt hi an duh tawk lo a, a ṭhuihruai zawng zawngte pawh bang a, eiruknaa inhnamhnawihte chu man phutin nawrh hi an la huaihawt chhunzawm reng a ni. 

President paihhthlak a nih hnuah military council chuan thuneihna an la zui a, military council hruaitu atan hian General Abdel Fattah al-Burhan chu lakluh a ni. 

General Abdel Fattah al-Burhan chuan special emergency court in nawrh huaihawt zinga mi tam tak jail-a a tantirte chhuah nghal tur leh, zan lama curfew neih pawh titawp turin thupek a tichhuak a ni. 



Share this Post

Login to comment
No Comments