France airport beih dan chhui mek

France anti-terror prosecutor-te chuan kar kalta Inrinni-a silai keng mi pakhatin Paris-a Orly airport a beih chungchang chu an chhui chiang mek. Airprot beitu hi security force-te'n an kaphlum a ni. 

Kum 39 mi Ziyed Bn Belgacem hian Inrinni khan airport-a sipai pakhat chu a lu-ah silaia tinin, Allah hminga thih a duh thu a sawichhuak niin official-te chuan an tarlng. Hemi hma hian silaia inkahna leh car beihnah pawh a lo inhnamhnawih tawh bawk. Criminal record a neih tawh zingah ralthuam rua puhna leh, ruihhlo hmansualnate a tel niin, Paris prosecutor Francois Molins chuan a sawi. 

France ramah hian thla tharah president thlan a nih dawn vangin venhimna lam pawh an uluk hle a, state of emergency hnuaiah an la awm a ni. Orly-a sipaite hi Opertion Sentinal hnuaiah dah an ni a, he operation hi kum 2015 January thlaa Charlie Bedo office beih leh, kum 2015 November thlaa Paris khawpui beih a nih hnua police-te puitu tura din a ni. 

Inrinni zing khan Belgacem hian Orly airport-a sipai patrol-te a bei a, sipai pakhat silai chu laksak a tum a, a lu-ah silaia tinin Allah tana thih a tum thu leh, a ruala mi dang pawh an thih tur thu a sawi a ni. Mahse pawi a khawih thui hmain sipai pahnihin an kaphlum a ni.


Share this Post

Login to comment
No Comments