Tillerson-i'n China nena thawhdunna ṭha neih a tiam

China ram tlawha zin US Secretary of State Rex Tillerson chuan, US leh China inzawmna ṭha leh chak zawk an neih theih nan thawhdunna ṭha tak siam a tiam. 

Nimin khan Beijing-ah Tillerson leh Chian Presient Xi Jingping-te chuan meeting an nei a, ram pahnihten inlaichinna ṭha zawk siam tura an thawh tur thu an sawi. 

Xi Jinping chuan, thla hmasaa US President Donald Trump-a nena telephone-a an inbiak ṭumin thawhdunna ṭha siam an duh thu hi an lo sawi tawh tih a sawi a, "China-US thawhdunna hi ṭha zawka siam tura hmalak a ngah thu kan sawi a, hunbi tharah hian inlaichinna ṭha zawk a awm ngei ang tih pawh kan ring tlat a ni" a ti. 

Rex Tillerson leh President Xi-te meeting hi a hming chauh niin minute sarih vel chauh an inkawm a, mahse Inrinni khan Tillerson hian ram pahnihte inkar chungchanga meeting pawimawh chu China foreign minister Wang Yi a lo neihpui tawh zawk a, he hunah hian North Korea nuclear programme chu an ngaihtuah ber a ni. 

Oil executive hlui, Rex Tillerson hian US Secretary of State atana lakluh a nih hnuah a ṭum khatna atan Asian tour a nei mek a, kar katla Nilaini khan Japa tlawhin, South Korea pawh a tlawh nghal a, Inrinni khan China a thleng a ni.


Share this Post

Login to comment
No Comments