Myanmar police-te'n zirlai nawrh huaihawtte an dang

Myanmar police-te chuan zirna siamṭhat phuta Yangon khawpuia nawrh huaihawt tum, zirlai rualte chu khawpuia an luh phal loin an dang a, an zing panga an man bawk. 

Zirlaite hian nikum September thlaa sorkarin education bill a pass chu an duh lohna lantirin hun eng emaw chen nawrh an huaihawt tawh a, he bill hnuaiah hian zirna-in ten zalenna an neihte chu khuahkhirh sak niin, zirna chungchanga thutluknate chu university kutah ni loin sorkar kutah dah a ni, an ti. 

Thla khat liamtaah khan zirlaite hian Mandalay khawpui aṭangin Yangon panin kawng an zawh a ni. Mahse police-te chuan zirlai kawngzawhte hi Yangon an luh phal loin, khawpui aṭanga km 140-ah an lo dang a, motor leh bang hmangin an kal zelna tur hi an lo dal a ni. Mahse zirlaite hian Yangon khawpui chhung luh ngei an tum avangin an kaldarh duh rih lo.


Share this Post

Login to comment
No Comments