Bali-a lawng chesualah mi 4 an thi

Indonesia-a tourist island, Bali -ah an ram huna Nilaini zan khan lawng chesualin a pil a, mi pali an thi. Chin hriat lohin mi eng emaw zat an la awm bawk.

Lawngah hian khualzin 53 leh thawktu 12 an chuang a, Java island-a Banyuwangi aṭanga Bali pana kal a nih thu National Search and Rescue Agency chuan a sawi. Lawnga chuang zinga mi 31 chu him taka chhanchhuah an ni a, chin hriat loha awmte zawn hna thawh chhunzawm mek a ni bawk.

Thuneitute chuan lawng pil chhan hi chhui mekin, lawng operation hian an lawng pil hma lawk hian a khawl lamah harsatna a awm thu a lo report a ni. Mahse official-te chuan an chetsualna chhan hi khaw ṭhat loh vang niin an sawi thung. Saudi Arabia rama cham mek, Indonesia president Prabowo Subianto chuan chetsualna thlennaah chhanchhuah hna chu rang taka kalpui turin thupek a ti chhuak nghal bawk.

Indonesia hi thliarkar 17,000 vel awmkhawm a ni a, heng thliarkarte inkalpawhna atana hman ber, lawngah hian himna lam chu kenkawh ṭhat a nih loh avangin tuipuia chetsualna pawh hi a thleng fo a ni.