Security Law thar hnuaiah Hong Kong zirlai pali an man

China sorkarin Hong Kong tana security law thar a siam chu Hong Kong mipuite leh ram dangte sawiselna nasa tak hnuaiah July 1 aṭang khan  hman ṭan a ni a, he dan thar hnuaiah hian nimin khan a ṭum khatna atan zirlai pali man an ni. 

Police-te chuan zirlai pali, mipa pathum leh hmeichhe pakhat chu social media-a an thil post avangin, sorkar laka helna chawh chhuah tuma puhin an man. Heng mite hian social media kaltlanga Hong Kong independence sualna tura pawl siamah an inhnamhnawih niin Hong Kong National Security Department superintendent Li Kwai-wah chuan a sawi.

Hong Kong independence sual tura pawl din, Student Localism chuan man zingah hian an pawl hruaitu hlui Tony Chung (19) pawh a tel tih an sawi. Police man mi palite hi kum 16-21 inkar an ni.



Share this Post

Login to comment
No Comments