Kim Jong-un mipui hmuhah inlan

North Korea ram hotu, Kim Jong-un chu mipui hmuhah hun rei tak a inlan loh hnuah, Nilaini  khan a pu, North Korea hotu hlui Kim Il Sung thih champha vawi 26-na puala inkhawm buatsaihah a inlan. 

Hun rei tak mipui hmuha a inlan tawh loh avang leh, kumin April thlaa an ram hun pawimawh Kim Il Sung piancham lawmna inkhawmah a tel loh avangin Kim chanchin hian sawi zui a hlawh hle a, a dam ṭha lo hle nia sawiin, report ṭhenkhat phei chuan a thi tawh ni hial ten an sawi a ni. 

Sorkar lam pawhin a chungchang thu engmah an sawilang ngai lo. 

May 1 khan North Korea news agency chuan Kim hi factory hawnna inkhawmah a tel thu sawiin, a thlalak pawh a tichhuak a ni. Mahse he thlalak tihchhuah hi a lak hun a chiang lo a, May 1-a mi ngei a ni em tih rinhlelhna pawh a lian hle. Hemi hnu hian Kim hi a reh zui leh a, mahse nimin khan Kumsusan Palace-a Sun  mausoleum-a Kim Il Sung thih champha hmannaah a inlan leh ta a ni. Kim hi a farnu Kim Yong Jong bakah senior official   Choe Ryong Hae, Pak Pong Ju, Kim Jae Ryong leh midang eng emaw zatin an zui a ni. 

'Eternal President of North Korea' tia sawi ṭhin, Kim Il Sung hi kum 1994 khan a thi a, a thih champha puala inkhawm hi Kim Jong-un hi a hmaih ngai lo a ni. 



Share this Post

Login to comment
No Comments