Pope-in Nilainia ṭawng- ṭai turin khawvel a ngen

Catholic Church hotu, Pope Francis chuan khawvela hri leng mek Covid-19 a reh theih nan khawvel hmun hrang hranga Kristian-te chu Nilainia mahni awmna hmuna ṭawngṭai ṭheuh turin a ngen. 

Pathianni zinga Croatia rama lirnghing tuarte tan a ṭawngṭai pui thu Pope chuan a sawi bawk. Nimin zing khan Vatican City-a Casa Santa Marta-ah Pope chuan hri vanga sum leh pai lama harsatna tawk mekte tan ṭawngṭaina a nei bawk a, he hunah hian rinna, beidawn lohna leh huaisenna chu ṭawngṭainaa a pawimawh thu a sawi.

Pope hian ṭum danga Krismas leh Easter Sunday chauha a hman ṭhin, Urbi et Orbi (to the city and the world) blessing chu Zirtawpni hian St Peter's Square-ah a nei dawn tih a sawi bawk. Vatican-a square hi hri leng vang hian khar a ni tawh a, Pope-in malsawmna hun a hman turah pawh hian mipui kal phal a ni dawn lo. 



Share this Post

Login to comment
No Comments