Turkey President-in Trump hmu dawn

Turkey president Tayyip Erdogan chuan kar leh Nilaini hian United States (US) president Donald Trump chu Washington-ah a hmuh tur thu a sawi.

Ram pahnih hruaitute hian an inhmuh tur thu hi telephone hmangin an in­hrilh nawn leh nia sawi a ni. 

Syria ram buaina avangin Erdogan hian US-a a zintur hi a ṭhulh ang tih hlau hle mah se, Trump chuan phone-a Erdogan nen ṭha taka an inbiak thu leh Turkey leh Syria ramri hrula firfiakte nuaibo hna an thawh dun dan tur chungchang leh thildangte an sawi thu Trump chuan a sawi.

Turkey leh US hian August thla khan Syria-a safe zone deal thawh khatna kalpui an remti a, hemi hmang hian Syria mi Turkey-a inhumhimna zawnga tlanchhiate chu an ramah thawnkir an ni ang. Thla liam tak khan US president Donald Trump chuan US-in Turkey a hrekna chu hlih a nih thu a puang bawk. Ram pahnihte thawh dunna hi a ṭha chho hle niin a lang.

Syria rama ralmuanna a awm nan chuan Turkey foreign minister Mevlut Cavusoglu chuan Syria buaina chu sipai hmanga chinfel chi a ni lo tih sawiin, ramdanga tlan­chhiate pawhin kir leh an duhna tur boruak ṭha siam a ṭul hle tih a sawi. 



Share this Post

Login to comment
No Comments