Malaysia-ah Cambodia eptu hruaitu man

Malaysia-a immigration thu­neitute chuan nimin khan Cambodia eptu pawl, Cambodia National Rescue Party (CNRP) vice pre­sident, Mu Sochua an man. 

Cambodia sorkar chuan Mu Sochua hi eptu pawl hruaitu dangte nen sorkar paithlak tuma puhin manna tur thupek hi a tichhuak a ni. 

Mo Sochua hi Thailand kal tuma thlawhtheihna a nghah laiin an man nia sawi a ni. October thla khan Sochua hi Thailand kal a tum chu dan a lo ni tawh bawk. Malaysia thuneitute hian Sochua hi Cambodia ramah an thawn dawn em tih sawichian a la ni lo. 

ASEAN Parliamentarians for Human Rights (APHR) chuan thuchhuah siam nghalin, Mu Sochua chu thu delhkilh awm loa chhuah nghal turin Malaysia sorkar an phut tih an sawi. 

Cambodia sorkar hian kuminah sorkar paihthlak tuma puh, eptu hruaitu 48 zet a man tawh. Eptu pawl CNRP pawh danpawnah a lo hnawl tawh bawk.



Share this Post

Login to comment
No Comments