Jordan leh Norway PM-ten meeting nei

Jordan leh Norway Prime Minister-te chuan Pathianni khan ram pahnihten  inkungkaihna leh thawhdunna ṭha zawk an neih theihna turin inbiakna an nei.

Ram pahnih hruaitute hian Jordan khawpui Amman-ah inbiakna hi an nei a, economy leh insum­dawn tawnna chung­changte an sawidun a ni.

Jordan prime minister Omar Razzaz chuan Pales­tinian chungchang pawh sawichhuakin, Syria ram buaina chungchangte pawh a sawi. Syria raltlang maktaduai 1.3 vel zet chu an rama an awm chungchang pawh a sawi bawk.

Inbiakna an neih zawh hnua press conference an neihah pawh raltlan­te chhawmdawl chung­changah khawvel thlawpna a ngen a, khawvel pumin mawhphurhna a neih dante pawh a sawichhuak a ni. 

Norway prime minister Erna Solberg pawhin kawng hrang hranga Jordan an thlawp dan leh sector hrang hranga an thawhdun theih dan turte pawh sawi lang ve bawk. Jordan chu raltlante an buaipuina chungchangah pawh an thlawp chhunzawm zel dawn tih a sawi a ni.

Erna Solberg hian Inrinni khan Jordan hi a thleng a, ni hnih a cham a ni.



Share this Post

Login to comment
No Comments