Sri Lanka President inthlanah ding dawn lo

Sri Lanka president Maithripala Sirisena chu Pathianni khan deposit a tih fel hman loh avangin, November 16-a an ram President thlanna neih turah a chuh thei tawh dawn lo.

Pathianni chhun dar 12 thleng khan President in-candidate tumte chuan an deposit an thehlut thei a, vanduai thlak takin president ni lai Sirisena hian a theh lut fel hman lo a ni.

Kumin hian candidate 41-in Sri Lanka President nih an inchuh dawn a, candidate tam ber ṭum a la ni bawk.

Sirisena hi Kum 1982 hnua President, Prime Minister emaw opposition leader emaw nih laia candidate thei lo hmasa ber a ni bawk . United National Party (UNP) candidate Sajith Premadasa khing thei ber tura a ngaih Gotabhaya Rajapaksa chu a thlawp dawn thu Sirisena chuan a sawi a ni. 

Sirisena a party Sri Lanka Freedom Party (SLFP) chuan Rajapa­ksa-a party People's Party chu an symbol hmang loa, party symbol inang hman puiah an sawm a, mahse an ngenna hi People's Party chuan deposit an tihfel tawh avangin an hnawl sak.

Nimin thleng khan can­didate turte hian nomi­nation hi an thehlut thei a, Nov. 12 thleng campaign hun hawn a ni bawk. 



Share this Post

Login to comment
No Comments