Amazon ramngaw kan chhanah NGO puh

Brazil president Jair Bolsonaro chuan Amazon rain­forest-a kangmei nasa tak chhuak chu non-govern­mental organisation-te tihah a puh. 

President Bolsonaro chuan a kaihhruai sorkar hming tihchhiatnan NGO-te chu ramngaw hi tikang luiah a puh a, heihi fund pek ṭhin a tihtlem sak vang niin a sawi. Kumina an rama ramngaw kang ṭum tam tak thlengah NGO chu an inrawlh tih a sawi a, mahse a thusawi finfiahna tur erawh engmah a sawilang lo thung. 

Bolsonaro chuan thil awmdan chhutin, NGO-te chu Amazon ramngaw chhungah hian ram hal turin an kal a ni, a ti. Sorkarin NGO hnena fund a pek ṭhin a tihtlem sak avangin, NGO-te lungawi lo chu sorkar tihhmingchhiat tumin an che ta a ni, a ti. 

Brazil President thusawi hian environmentalist-te a tithinur hle a, Greepeace Brazil public policy coordinator Marcio Astrini chuan presi­dent anti-environmental policy avangin an rama ram­ngawte a chereu chho zel a, kangmeite pawh hi a chhuah phah tih a sawi thung. 



Share this Post

Login to comment
No Comments