Russia-in ISS-ah robot thawn

Russia chuan Ningani khan rocket hmangin International Space Station (ISS)-ah life-size robot an kapchhuak.

Robot chuanna hi Kazakhstan-a Baikonur cosmodrome aṭangin an kap­chhuak a, naktuk hian space station hi a thleng ang. He robot hming hi Fedor (Experimental Demonstration Object Research) a ni a, Russia-in space-a robot a thawn hmasak ber a ni.

Russia hian an 'emergency rescue system' thar enchhin nan rocket-ah hian robot chiah hi an chuantir. Fedor hi mihring tiata siam niin, centimetre 80 (5 ft 11inch)-a sang a ni a, kg 160-a rit a ni bawk.

ISS-ah hian Fedor hi ni 10 a cham dawn a, electric cable zawm leh phawi dan te, screw­driver hman dan te leh kang ṭhelh dante a zir dawn tih Russian space agency direc­tor for prospective programmes and science, Alexander Bloshenko chuan a sawi.

Fedor hian 'spacewalk'-te pawh a tihchhin beisei a ni. Hetihlai hian Fedor hi space-a robot tirh hmasak ber a ni lo a, US chuan 2011 khan robot a lo tir tawh a, technical lama harsatna an neih avangin a kum lehah an la let leh a ni. Japan pawhin 2013 khan ISS-ah hian robot an lo tir tawh bawk.



Share this Post

Login to comment
No Comments