Duhtawk chin nei lo ang u - Klopp

Liverpool boss Jurgen Klopp-a'n nomawi chawi zel a duh a, a player-te chu duhtawk mai lo turin a duh. German coach chuan, "Duhtawk chin neih a thiang lo a, theihtawp kan chhuah zel ka duh," tiin Super Cup nomawi chawi ngei a duh. 

Klopp chuan Champions League nomawi an chawi thlirkirin, "Kan champion hnu kar li vel kha chu lawmpuina kan dawng reng a, a nuam hle. Mahse, fakna hi minti chak lotu a ni thei a, kan lawmna hian min lo chawlh hahdamtir der thei. 

"Ka naute hi rilru nem tak ni lo mah se an thlamuang lutuk palh ve thei tho. Theihtawp kan chhuah chhunzawm zel a ṭul a, a hma aia ṭha zawka khelh zel kan tum tur a ni," a ti.

Klopp chuan sawi zawmin, "Super Cup ka en ngai lo. Champions League leh Europa League final-ah ka tlawm tawh a, chutiang ang mi tan chuan UEFA Super Cup en chu harsa tak a ni. 

"Mahse, he Cup hi kan hlawhtling a ni tih min hrilhtu a ni a, champion kan nih avanga khel tur kan ni. Chuvangin he inelna hi a lian a, chak ngei pawh ka duh," a ti a, champion a tum. 

Lampard-a'n khelh satliah a tum bik lo, "Kan inpeih a ngai a, club pawhin he nomawi hi chawi ngei kan duh. Player ka nih laiin Super Cup-ah ka champion lo a, ka player zingah an awm ve nual bawk. 

"Chuvang chuan thawnthu thar ziah kan duh a, kan theihna zawng zawng kan pe ang. Liverpool ang team ṭha tum chu a harsa dawn a, mahse nakina chhuanlam siam kan duh lo," tiin champion a tum ruh hle. 



Share this Post

Login to comment
No Comments