City defender-in Valencia pan dawn

Valencia chuan Manchester City defender Eliaquim Mangala lalut tura inremna an neihpui thu an sawi a, kum hnih chhung atan contract an ziahpui ang. 

Kum 28 mi defender hian kum 2014 khan Porto aṭangin City hi pound maktaduai 32-in a zawm a, season hmasa pahnihah hmun pawimawh chang mah se Pep Guardiola luh hnuah erawh a inlan tam lo. 

Pep hian City a zawm rualin 2016-17 season khan Mangala hi Valencia lamah loan-in a kaltir a, 2017-18 season-ah England-ah a kir. Mahse, Pep-a'n hman rim a tum lo a, match 15 a khelh sak hman tihin January 2018-ah Everton-ah loan-in a kaltir. 

Everton-ah hian hliam vangin a talbuai zui a, a hnu lamah City tan a inlan leh tawh lo. February khan City hian Mangala hi kum khat dang atan contract an ziahpui a, player an duh vang lam ai mahin free transfer-a chhuahtir an duh loh vang a ni. 

Mahse, Mangala hian dawrtu mumal a nei lo zui a, khawthlang media-te chuan City hian free transfer thoin an chhuahtir leh zui niin an tarlang. 



Share this Post

Login to comment
No Comments