Player ngah luat vangin Sarri a mangang

Juventus coach Maurizio Sarri chuan Champions League khel tur player thlan kawngah harsatna a tawh thu a sawi a, "Player ṭha tak tak squad-a an tel lo tur hi hrehawm ka ti a ni," a ti!

Chelsea boss hlui chuan, "Player paruk vel chu kan telh loh an ngai dawn a, thutlukna siam harsa tak tur a ni ang. Player thlan hi risk tak meuh a ni dawn a, player theihna nei sang tak hmaih palh a hlauhawm a ni," a ti a, a fimkhur hle. 

Sarri chuan sawi zawmin, "Kan buaina hi chinfel vat a ngai a, mahse thutlukna hi coach leh club-in a siam mai chi pawh a ni lo," a ti. 

Italian champion hian player an nei ṭha tih phat rual a ni lo - goalkeeper ringawt pawh Wojciech Szczesny leh Gianluigi Buffon an nei a, centre back pathum Matthijs de Ligt, Giorgio Chiellini leh Leonardo Bonucci te hi khawvela defender ṭha pawl ni phak 

vek an ni.

Midfield hi Juventus intodelhna ber niin a lang a, Miralem Pjanic, Sami Khedira, Aaron Ramsey, Blaise Matuidi, Emre Can, Adrien Rabiot leh Rodrigo Bentancur te an nei!

Tlarhma lamah Cristiano Ronaldo, Paulo Dybala, Douglas Costa, Juan Cuadrado, Mario Mandžukic, Gonzalo Higuaín leh Federico Bernardeschi te an nei a, Sarri lu a hai hi a mak lo - Dybala erawh chhuak thei dinhmunah a ding reng thung. 

Juventus hian August 24 zanah an league match hmasa ber chu Parma khelmualah an khel dawn a, Inrinni khan an pre-season match hnuhnung berah 2-1 in Atletico Madrid an ngam lo.



Share this Post

Login to comment
No Comments