League Two club-ah Bony

Manchester City striker hlui Wilfried Bony chuan club nei loa a awm hnuin League Two club Newport County-ah training a nei mek a, a hma hun tur a la chiang thei rih lo. 

AFCON khelh zawh taka Ivory Coast tana inlan striker hi nipui transfer rualin Swansea City chuan an chhuah zalen a, club dang a nei rih lo - English fourth division club training a zawm phah. 

Newport boss Mike Flynn chuan Bony-a'n an club training a zawm chu a player-te tan thil ṭha tak a nih thu a sawi a, "A thawkrim a, a professional em em bawk. Ka nauten a hnen aṭangin tam tak an zir belh ang," a ti. 

Bony hian 2013 khan Swansea a zawm a, a season hmasa berah match 48 khelin goal 25 a khung nghal. January 2015-ah City-in pound maktaduai 28-in an lei a, beisei a phak lo. 

City tan match 46-ah goal 10 chiah a khung a, Stoke City-ah loan-in a khel zui. August 2017 khan Swansea-ah kir mah se tun hma a pha thei lo a, January 2019 khan Qatar club Al-Arabi chu loan-in a pan a, match sarihah goal nga a khung. 



Share this Post

Login to comment
No Comments