Bayern-ah Perisic a kal

Bayern Munich chuan Inter Milan winger Ivan Perisic chu tun season chhung atan loan hmangin an lalut a, an inrem dan chuan season tawpah German champion hian an duh a nih chuan a nghetin an lei thei ang.

Croatia international hian 2012 khan Borussia Dortmund chu Bundesliga nomawi a chawipui tawh, German club dang Wolfsburg tan pawh a khelh tawh avangin German football-ah a mikhual dawn lo tih a hriat theih.

Bayern Munich hian Manchester City aṭangin Leroy Sane lakluh an tum. Mahse Sane hi Community Shield-a Liverpool nena an inkhelh ṭumin a inhliam a, hun rei tak a chawlh a ṭul dawn. Barcelona forward Philippe Coutinho nen pawh Bavarians hi sawi zawm an ni. Amaherawhchu, Perisic an neih takah chuan player dang pahnih hi an lak a rinawm tawh lo.

Bayern sporting director Hasan Salihamidzic chuan, "Ivan hian a tawnhriat tam tak leh a theihna sang tak hmangin kan team a thuam chak dawn a ni. Theihna a nei sang tawk a, mamawhna hmuna chhawr kual theih niin rei lote chhungin a insiamrem nghal ang," a ti.

Kum 30 mi Perisic chuan, "Europe-a club lian berte zinga mi Bayern ka zawm thei hi ka lawm. Bundesliga leh German Cup chauh ni loin, Champions League lamah pawh hlawhtlin ngei kan tum ang," tiin beisei a neih san thu a sawi.

Niko Kovac-a naute hian season thara an match hmasa ber atan Zirtawpni zan hian Allianz Arena-ah Hertha BSC an 

mikhual ang.



Share this Post

Login to comment
No Comments