Record thar siamtu kum 13 mi Sereda

European Diving Championships-ah Oleksii Sereda chuan record thar a siam a, kum 13 leh thla sarih mi lek niin he inelnaa champion thei naupang ber a ni. 

Ukrainian diver hian kum 2008-a European title lo la tawhtu Tom Daley record a khum a, British diver Daley-a'n champion thei naupang ber record a siam lai khan kum 13 leh thla 10 mi a ni thung. 

Sereda hi  prelims-ah pakhatna a ni a, 10m final-ah dives ṭha tak tak paruk a pholang leh bawk - Tokyo 2020 Olympics-a inlan thei turin Sereda hi a qualify nghal a ni.

Olympics-a diver tel tur tan a naupang berah kum 14 mi nih a ngai a, Sereda hian December-ah kum 14 a tlin hman dawn avangin ram tan a inlan thei ang. 

Kar thum liam taa South Korea-a World Championships-a palina Oleksii Sereda chuan, "A tirah kha chuan ka zam ve deuh a, hnehna ka chang ta erawh ka lawm khawp mai," tiin a sawi. 



Share this Post

Login to comment
No Comments