Chawhnu dar 2:00-ah AFC Vs Venghnuai

Vawiin chawhnu dar 2:00 hian Aizawl FC leh FC Venghnuai ten I Day Football semifinal hmasa zawk an khel dawn a, I League club hi chak tura rinkai ni mah se group stage-a an khelh dan en chuan MPL kai thar tan AFC hneh hi thil theih a ni.

Aizawl FC coach Standly Rozario chuan, "Chanmari FC nen khan kan vanduai a, an chance ṭha neihah an khung vek laiin keini erawhin kan khung lo. Kan tlarhnung hi kan insiamṭhatna hmasa tur a ni a, Richard leh Lawma te khan kha aia ṭha khan an khel thei tur a ni. Training-naah pawh kan zir nasa a, semifinal-ah chuan a dang tawh ang," tiin Chanmari FC laka 3-1 a an chak loh chungchang a sawi chhuak.

I League club hian foreign player Juuko Richard Kassaga leh Alfred Kemah Jaryan te an kawl a, Mizo player ṭha an neih tho avangin semifinal lut turin vanneihna mamawh mah se MPL kai thar FC Venghnuai an hneh lo a nih chuan 'upset ' a ni ang.

FC Venghnuai coach Rindika Hmar chuan, "Keini aia team ṭha zawk an ni a. Mahse MPL team ve ve kan nih avangin tlanchhiat nghal kan tum lo, theihtawp kan chhuah dawn. Kan khelh dan ngai attacking game kan khel tho ang," tiin Vanglaini a hrilh a, player inhliam an neih thu a sawi lang bawk.

Venghnuai tan Vanlalthanga a la 

ṭangkai zel a, Hualngohmun tlangval hian match tinah goal a la khung vek. Season liam ta khan Thanga hian Chawnpui tana khelin Aizawl FC lakah hian goal ropui a khung tawh bawk.



Share this Post

Login to comment
No Comments