Lukaku-a'n goal li a khung

Pathianni khan Inter Milan chuan Serie D club Virtus Bergamo chu 8-0 zetin an sawp a, he inkhelah hian pound maktaduai 74 man Romelu Lukaku chuan goal li a khung.

Feet ruk leh inches thuma sang Lukaku hian a lu hmangin goal thum a khung a, a ke vei lamin goal khat a khung bawk. Inter Milan hi August 26, Thawhṭanni zanah Lecce nen Serie A-ah an inkhel ang.

Italian manager Antonio Conte chuan Lukaku a duhthu hi langsar takin a puang tawh a, rinrawl bera a hman dawn avangin Belgian striker hian Serie A-ah hming a chher ngei a rinawm.



Share this Post

Login to comment
No Comments