Rangers tan Defoe hattrick

Kum 36 mi ni tawh mah se Jermain Defoe-a'n a la tar lo tih khelmualah a pholang a, Pathianni zan khan Rangers tan hattrick a siam. 

Steven Gerrard enkawl Rangers hian an mikhual Hibernian chu 6-1 ngawtin an sawp. English striker Defoe hian minute 74 chhungin hattrick a siam. 

Defoe-a'n goal thum a khung hnuah Alfredo Morelos chuan goal hnih a khung ve zui a, Liverpool 

aṭanga loan-a an hawh Sheyi Ojo chuan hun pek belhah goal khat a khung ve leh 

hram bawk. 

Hibernian hian si hnih chauh an phurh laiin Daryl Horgan chuan si phurh a rawn sut ṭhen a, mahse minute 55-naa Sean Mackie hnawhchhuah a nih hnuah goal li dang chhuah zuiin an mualpho zui. 

Celtic chuan Inrinni zan khan 5-2 in Motherwell an lo hneh tawh a, league match hnih khelh tawhah Rangers nen an la chak ve ve. 

Tun season Scottish Premiership-ah pawh club pahnih hi in um leh ber tura ngaih an ni. 



Share this Post

Login to comment
No Comments