Roma-in Real Madrid hneh

Season ṭan hmaa an match hnuhnung berah Real Madrid chuan AS Roma an ngam lo a, hun pangngaiah 2-2 a an inhnehtawkpui hnuin penalty-ah 5-4 in an chak lo. 

Marcelo leh Casemiro ten goal khat ve ve khungin vawi hnih ngawt Real Madrid hi hma an hruaipui hman a, mahse Roma tan Diego Perotti leh Edin Dzeko te chuan an si phurh an sut ve 

zel a ni. 

Hun pangngaiah chak zawk an awm loh avangin penalty hmangin hnehna chang tur zawn a ni a, Italian club vannei zawkin 5-4 in an chak - Real tan Marcelo chuan a pet goal lo. 

Chinese Super League pan tura a in ruahman vek hnua kal leh ta lo Gareth Bale chu Real Madrid tan a inlan a, Welsh forward hian penalty hi pet vein a chhuih lut. 

Real coach Zinedine Zidane-a'n, "A chhuah hi kan vaia tan a ṭha a ni," tiin sawi mah se club president Florentino Pérez berin man nei loa chhuahtir a phal si lo a, Bale leh Zidane hi an la inhrawn chho rih dawn niin a lang. 

Tun kar tawpah Spanish La Liga ṭan a ni tawh dawn a, Real Madrid hian an match hmasa berah Inrinni zan dar 8:30 hian Celta Vigo an lenchilh ang. 



Share this Post

Login to comment
No Comments