Champion lai Army Green an tla

Durand Cup khelh mekah buaina kara leng mek Real Kashmir an buai duh lo a, champion lai Army Green chu 4-0 a sawpin inelna aṭangin an hnawt chhuak. 

Kashmir club tan hian Khasi tlangval Chesterpoul Lyngdoh chuan goal hnih a khung a, Manipur player pahnih Subhash Singh leh Vicky Meitei te chuan goal khat ve ve an khung bawk. 

Mizoram captain hlui Zico Zoremsanga khelhna Indian Air Force chuan 1-0 in TRAU an hneh a, Mohammedan SC chuan 6-2 in Indian Navy an sawp thung. 

Mohammedan tan Arthur Kouassi chuan goal li ngawt khungin 'hero' a ni a, Musa Mudde chuan goal khat a thawh bawk. Navy tana goal hnih khungtu Britto PM a hming 

ṭha zo lo. 

Zirtawpni inkhel dangah Jamshedpur FC tan Vimal Kumhar chuan goal hnih khung mah se Army Red tan N Suresh Meitei chuan goal hnih a khung ve tho a, 2-2 a inhnehtawkin team pahnih hi an tla ve ve. 

Vawiinah inkhel a awm lo ang. 



Share this Post

Login to comment
No Comments