Hammers striker thar £45m man Haller

West Ham chuan an club record siamin player thar an lalut dawn a, Eintracht Frankfurt striker Sebastien Haller chuan medical nei turin nimin khan London club hi a pan - a man hi pound maktaduai 45 ni tura ngaih a ni.

Kum 25 mi striker hian season hmasa khan Frankfurt tan match 41-a khelhah goal 20 a khung a, tlarhmaa Luka Jovic nena an inkawp chu Bundesliga ngainatute mit ti tlai a tling - Jovic hian goal 27 khungin Real Madrid-in tlarhma thuam chak nan an la.

French striker Haller hian medical a paltlang a, beisei anga engkim a kaltluang a nih chuan Hammers player manto ber a ni dawn a, Felipe Anderson man a 

khum ang.

Lazio aṭanga an lakluh Brazilian midfielder Anderson man zat hi pound maktaduai 36 a ni a, pound maktaduai kua velin Haller hian a rawn khum dawn tihna a ni. 

France tana age level hrang hranga inlan tawh Haller hian Dutch club FC Utrecht tan match 98-a goal 51 khung hnuin 2017 khan Eintracht Frankfurt a pan a, match 77-a inlanah goal 33 a khung sak. 

West Ham hian nipui transfer-ah striker pathum  Lucas Perez, Marko Arnautovic leh Andy Carroll-te an chhuahtir a, manager Manuel Pellegrini chuan player 

ṭha tak tak lalut tura hma an lak mek thu a sawi. 



Share this Post

Login to comment
No Comments