Magpies boss thar Bruce?

Newcastle United nena sawi zawm hlawh mek Steve Bruce chuan a club enkawl Sheffield Wednesday a chhuahsan a, Magpies a zawm ngei dawn niin a lang - he thu­ziak i chhiar meuh chuan a zawm tawh hial ang. 

Kum 58 mi manager hi Inrinni khan a naupan lai aṭanga a ṭan Newcastle nen hian an inbe ṭan a, a assistant pahnih Steve Agnew leh Stephen Clemence-te nen Sheffield hi an chhuahsan. 

Newcastle hian an coach Rafael Benitez an chan hnuah coach thar an nei lawk thei lo a, Bruce hma hian Sam Allardyce chuan Magpies sawmna hi a lo hnar tawh a ni. 

Player a nih laia Man­chester United tana khel ṭhin Bruce hian club 10 ngawt a lo enkawl tawh a, Crystal Palace, Bir­mingham City, Sunderland, Hull City leh Aston Villa te chu a club lo enkawl tawh zingah an tel. 



Share this Post

Login to comment
No Comments