Nigeria coach Rohr a hmanhmawh lo

Africa Cup of Nations semifinal aṭangin Nigeria tlakpui mah se coach Gernot Rohr chuan a hma hun tichiang tura a hman­hmawh loh thu a sawi. 

Kum 66 mi coach hian kum khat dang cham turin Super Eagles-ah hian contract a la nei mek a, mahse a player thlan dan leh tactic avangin sawisel a tawk nasa hle. 

Rohr chuan, "Pathum­na nih phawt kan duh avangin thutlukna siam turin ka hmanhmawh lo. Pathumna inchuha kan inkhelh zawhah ka hma hun chu kan la sawi chiang ang chu," a ti. 

Nigeria hi semifinal-ah Algeria hneh loin an tla a, zanin dar 12:30 hian semifinal danga Senegal ngam lotu Tunisia nen an inkhel ang. 

Rohr hi Nigeria Foot­ball Federation (NFF) lam chuan chelh an duh thu ualau takin an tilang tawh a, mahse Nigerian media leh fan-te chuan chhuak turin an nawr mek a ni. 



Share this Post

Login to comment
No Comments