Ka ring thei lo - Federer

Wimbledon final hmuhnawm bik a ni a, a bik takin set ngana tie break an khelh kha TV lamah pawh mipui en hlawh leh entu tam lai ber a ni. Roger Federer-a'n khatih lai khan 8-7 (40-15) in hma a hruai, point khat hmuh belh zauh se chuan a vawi kua nan a champion ang.

Amaherawhchu, Novak Djokovic-a'n a pawtthla a, 7-6 (7-5), 1-6, 7-6 (7-4), 4-6, 13-12 (7-3) in Serbian tlangval zawkin hnehna a chang daih! Inkhelh zawh hnuah Federer chuan, "Tunah hian engtin nge ka awm ka hre lo, ka hrethiam thei mai rih lo," tiin mak a tih thu 

a sawi.

Game 11 ve ve an lak hnuah pawh Federer hian break point vawi hnih a nei a, chhawr 

ṭangkai sela chuan a service a hum zui a nih chuan a champion dawn. Mahse, a hun rangkachak neih hi a ti hlawhtling thei chuang lo.

Federer chuan, "Centre Court-a min hmangaihtute hmaah Wimbledon champion nih kan inchuh a ni a, hun ṭha pawh ka nei hman. Mipuiin an hmuh duh inkhel hmuhnawm leh hriatreng tur kan chhawp chhuak thei kha ka lawm," a ti. Kum 2008 khan Rafael Nadal nen final hmuhnawm an lo khel tawh bawk.



Share this Post

Login to comment
No Comments