Liverpool-ah Elliott a lut hnai

European champion Liverpool chuan Real Madrid leh Paris St-Germain khumin Fulham midfielder Harvey Elliott an chang dawn niin a lang a, he thuziak i chhiar meuh chuan an lalut fel tawh hial mai thei. 

Arsenal leh Manchester City pawhin an duh nia an sawi Elliott hian May 4 khan bench aṭanga tlan lutin Wolverhampton Wanderers a hmachhawn a, hetihlai hian kum 16 leh ni 30 mi niin Premier League-a inlan thei naupang ber record a siam. 

Nakkum April-a kum 17 a tlin hma chuan professional contract erawh a la ziak thei lo a, Liverpool hian an lalut a nih pawhin 'scholarship' dawng tur ang zawkin contract an ziahpui a ngai dawn a ni. 

England Under 17 international hi player man pangngaia lei theih la ni lo mah se Reds hian zângnadawmna erawh Fulham an pek a ngai dawn a, Europe-a rawlthar duhawm ber pawl a nih avangin a tlem chhe lo ang. 

Reds hian nipui transfer-ah kum 17 mi dutch defender Sepp van den Berg chu PEC Zwolle aṭangin an lo lalut tawh bawk a, a tirah pound maktaduai 1.3 pe phawtin 4.4-a sang chho leh thei tur a ni.



Share this Post

Login to comment
No Comments