Palinaah England an tawp

Hmeichhe World Cup-ah England-in champion beisei mah se an tawpna chu 'palina' a ni. Lionesses hian semifinal-ah USA an ngam loh hnuin Sweden chu pathumna inchuh inkhelah an hmachhawn a, 1-2 in an tlawm. 

Sweden hian Kosovare Asllani leh Sofia Jakobsson goal hmangin minute 22 chhung lekin 2-0 in hma an hruai hman a,  Fran Kirby chuan ṭha zetin minute 31-naah sut mah se Ellen White goal khung chu VAR hmanga pawm sak a nih loh avangin 2-1 in an chak lo. 

Manchester City for-ward White hi semifinal-a USA laka a goal khung chu VAR rawn a nih hnuah offside vangin pawmsak a ni lo tawh a, Sweden lakah a ball dawnna lamah a handball tel nia ngaiin pawmsak a ni lo leh ta. 

Kum 30 mi striker hi US star Alex Morgan nen goal ruk ve ve khungin top scorer an ni mek a, nizan khan USA hian Netherlands nen final an khel a ni.



Share this Post

Login to comment
No Comments